Aðalfundur Hraunavina var haldinn í Gaflaraleikhúsinu að morgni laugardagsins 1. nóvember. Félagið hefur látið mikið að sér kveða undanfarna mánuði og mikið mætt á einstökum félagsmönnum sem kunnugt er. Ragnheiður Elfa Þorsteinsdóttir héraðsdómslögmaður greindi frá stöðu mála. Tónleikar sem efnt var til í Háskólabíói miðvikudaginn 29. október voru vel heppnaðir og greinilegt að íslenskst listafólk lætur sig málefni félagsins skipta. Staða mála var rædd og farið yfir liðið starfsár sem er það viðburðaríkasta í sögu félagsins. Jafnframt var nýtt merki félagsins sem Gunnar Júlíusson hannaði kynnt og samþykkt á fundinum.

Ný stjórn kosin sem er skipuð eftirfarandi aðilum:

Aðalstjórn:

Gunnar Örvarsson

Gunnsteinn Ólafsson

Kristinn Guðmundsson

Margrét Pétursdóttir

Ragnhildur Jónsdóttir

Varamenn eru:

Ragna Dagbjört Davíðsdóttir

Ragnar Unnarsson

Fráfarandi stjórnarfólki var sérstaklega þakkað fyrir að standa vaktina og nýir stjórnarmenn boðnir velkomnir til starfa. Stjórnin mun skipta með sér verkum á fyrsta stjórnarfundi.

Gerðar voru breytingar á lögum félagsins. Lögin eru birt á öðrum stað.

Gálgaprjón verður í Gálgahrauni fimmtudaginn 19. júní kl. 20.00 hjá  Ófeigskirkju. 
Allir sem vilja minnast viðburðanna 21. október 2013 eru velkomnir jafnt prjónandi og óprjónandi. 
Trefillinn verður mældur á ný því enn hafa bæst í hann bútar. 

Ganga sem Hraunvinir ætluðu að efna til í nyrsta hluta Búrfellshrauns miðvikudaginn 4. júní fellur niður að sinni vegna rigningar. Gangan verður farin síðar og nánari upplýsingar settar inn á síðuna þegar þar að kemur.

Hraunavinir standa fyrir fjórum gönguferðum um Búrfellshraun, frá fjöru til fjalls í sumar. Fyrsta gangan hefst við Garðastekk við miðjan Álftanesveg. Gengið verður hringleið þannig að best er að leggja bifreiðum við upplýsingaskiltið við Garðastekk. Lagt verður af stað kl. 20:00 miðvikudagskvöldið 4. júní frá Garðastekk.

Fyrsti áfanginn miðast við að ganga frá Garðastekk að Kjarvalskletti, þaðan að Ófeigskirkju og síðan verður stefnan tekin á Gálgakletta. Göngufólk skiptist á að miðla af þekkingu sinni og fróðleik.

Næsta ganga verður að kvöldi þriðjudags 10. júní, sem er fyrsti hvunndagurinn eftir Hvítasunnu. Gengið verður um hraunið milli i Garðabæjar og Hafnarfjarðar, sem á korti nefnt Hafnarfjarðarhraun, en hefur líka verið kallað Hraunsholtshraun.  Þar er margt áhrugavert að sjá, svo sem minjar um búsetu, myndarlega hraundranga, fjölbreyttan gróður og sitthvað fleira.    

Seinni göngurnar tvær hafa ekki verið dagsettar en tilkynnt verður um þær þegar nær dregur.

Hraunavinir og aðrir sem hafa áhuag á að slást í för mæta miðvikudaginn  4. júní, kl. 20:00 við Garðastekk.

Hópur myndlistamanna hefur gefið listaverk til að afla fjár fyrir baráttu Hraunavina og fleiri um verndun Gálgahrauns. Verkin verða boðin upp á sérstöku Listaverkauppboði laugardaginn 8. febrúar kl. 15. Uppboðið fer fram í Listhúsi Ófeigs Björnssonar að Skólavörðustíg 5 í Reykjavík kl. 15:00.

Verkin verða til sýnis í sýningarsal Listhúss Ófeigs frá og með kl. 15:00 laugardaginn 25. janúar og fram að uppboðsdegi á opnunartíma Listhússins. 

Ófeigur Björnsson rekur gullsmíðavinnustofu ásamt Listhúsinu og er opið á hefðbundnum verslunartíma kl. 10 til 18 og á laugardögum kl. 11 til 16. 

Tónlistarmenn stóðu að myndarlegum tónlistarviðburði sl. haust í Neskirkju til fjáröflunnar fyrir Hraunavini. Nú taka myndlistarmenn við keflinu. 

Fyrirhuguðu listaverkauppboði er frestað fram í janúar á næsta ári.

Þeir sem vilja styrkja verkefnið geta haft samband við SÍM.

Stjórn Hraunavina

Sunnudaginn 27. október 2013 verða haldnir tónleikar í Neskirkju til stuðnings baráttu Hraunavina fyrir verndun Gálgahrauns og til heiðurs þeim sem handteknir voru í vikunni. Tónleikarnir hefjast kl. 16.00.

Aðgangseyrir er kr. 1.000 en einnig verður tekið við frjálsum framlögum. Auk þess má styðja baráttu Hraunavina fyrir verndun Gálgahrauns með því að leggja beint inn á söfnunarreikninginn 140-05-71017, kt. 480207-1490.

Dagskrá:
KK
Salonsveitin L´amour fou,
Hlín Pétursdóttir Behrens sópran og Tinna Þorsteinsdóttir píanóleikari,
Gunna Lára Pálmadóttir trúbador,
Arnljótur Sigurðsson úr Ojba Rasta,
Tómas R. Einarsson og félagar,
Söngkvartettinn Kvika,
Blásarakvintett Reykjavíkur.

Fjölmennum!

Hraunavinir, Landvernd, Náttúruverndarsamtök Íslands og Náttúruverndarsamtök Suðvesturlands hafa óskað eftir því við Sýslumanninn í Reykjavík að sett verði lögbann á framkvæmdir við nýjan Álftanesveg, þar sem þær eru ólögmætar.

Fyrr í sumar var þingfest mál á hendur vegamálastjóra til staðfestingar á ólögmæti framkvæmdanna. Samtökin fjögur lýsa furðu á umfjöllun Vegagerðarinnar um málið á vefsvæði sínu. Vegagerðin virðist líta svo á að hún eigi sjálfdæmi í ágreiningsmálum sem að henni snúa. Þetta er allt önnur framkvæmd en sú sem fór í umhverfismat á sínum tíma. Þegar framkvæmdir hefjast ekki innan tíu ára frá því að mat á umhverfisáhrifum liggur fyrir ber að taka ákvörðun um endurskoðun þess að hluta til eða í heild samkvæmt 12. gr. laga um mat á umhverfisáhrifum. Engin slík ákvörðun hefur verið tekin.

Hér er hægt að skoða gögnin nánar: logbann