Ein af gömlu þjóðleiðunum milli Hrauna og Krýsuvíkur nefnist Rauðamelsstígur en leiðin gekk líka undir fleiri nöfnum s.s. Óttarstaðaselsstígur og Skógargata. Rauðamelsnafnið var þekktast og var það dregið af tveimur myndarlegum rauðmalarhólum sem stóðu norðvestarlega í Gvendarbrunnshæð í Óttarstaðalandi. Hólarnir risu hátt yfir hraunhæðirnar í kring og voru áberandi kennileiti. Nyrsti hluti götunnar lá á milli Stóra-Rauðamels og Litla Rauðamels. Þar sem þessir myndarlegu rauðmalarhólar stóðu fyrrum er nú djúp náma með lítilli grunnvatnstjörn sem kölluð hefur verið Rauðamelstjörn. read more
Hraunstífluð vötn og tjarnir eru merkileg náttúrufyrirbæri sem finnast ekki á mörgum stöðum á Íslandi. Stærsta hraunstíflaða vatnið á Reykjanesskaga er Kleifarvatn en þrjú hraunstífluð vötn er að finna innan þess svæðis sem félagsskapurinn Hraunavinir leggur mesta rækt við; Ástjörn, Urriðakotsvatn og Hvaleyrarvatn. Þessi þrjú vötn hafa myndast í dalkvosum þegar hraunstraumar runnu þvert fyrir eða yfir dali og girtu fyrir læki og aðrar vatnsuppsprettur.
Hversvegna á að vernda hraun?
í Garðaholti laugardaginn 10. apríl 2007. Hraunavinir byggja á sjálfboðastarfi, engin félagsgjöld verða innheimt, en heimilt er að afla styrkja til að fjármagna einstök verkefni. Félagaskrá skal byggjast upp af netföngum og upplýsingum safnað saman á heimasíðu fyrir hópinn.
Fimm svæði innan marka Hafnarfjarðar voru friðlýst þann 5. apríl 2009. Aldrei áður hafa svo mörg svæði verið friðlýst í sama sveitarfélaginu í einum vettvangi. Kolbrún Halldórsdóttir þáverandi umhverfisráðherra undirritaði friðlýsingarnar við athöfn að Hleinum á Langeyrarmölum og Lúðvík Geirsson, bæjarstjóri Hafnarfjarðar, staðfesti friðlýsingarnar af hálfu bæjarfélagsins. 
Víða í hraununum sunnan, austan og vestan Hafnarfjarðar eru tóftir sem minna á horfna búskaparhætti. Hlaðnar réttir, fyrirhleðslur við skúta, kvíar, fjárhellar og vörður eru hluti af þeim minjum sem mest er af í Almenningi, en svo nefnist hraunið ofan Straumsvíkur. Þar eru líka tóftir frá þeirri tíð þegar haft var í seli á nær hverjum einasta bæ og koti á landinu. Eitt þessara selja var Straumssel og þar eru myndarleg tóftarbrot sem gaman er að skoða.
Þeir sem ætla að ganga að eyðibýlinu Lónakoti geta hafið förina við heimreiðina að Lónakots fjárhúsunum sem er u.þ.b. hálfan km suðvestan Straumsvíkur. Þar er hægt að aka út af Reykjanesbrautinni. Rauðmáluð hlaða og fleiri byggingar blasa við þar sem ekið er út af brautinni og bílnum lagt við hliðið. Gengið er eftir tröðinni til norðurs í átt að sjónum. Þessi tröð er nokkurnvegin þar sem Selstígurinn var áður en vegarspottinn var lagður. Selstígur var leiðin frá Lónakoti að Lónakotsseli sem er rúman kílómetra til suðurs ofan við Reykjanesbraut. 
Hrútagjárdyngja er nærri Hrútagjá og auðveldast að nálgast hana með því að aka út af Krýsuvíkurvegi norðan við Sveifluháls þar sem vegvísir merktur Djúpavatn er staðsettur. Aka þarf stuttan spöl upp á hæðardrag og þá er hraunhryggur á hægri hönd. Fyrir miðju hans er skilti sem vísar á Grænklofa í austanverðri dyngjunni. Þar er skysamlegt að hefja gönguför og byrja á að skoða Grænklofa sem er sprunga í hraunbrúninni. Mælt er með því að ganga síðan norður meðfram hrauninu í áttina að Fjallinu eina, en fylgja brúninni þar til komið er að stikum sem vísa á Reykjaveginn. Þar blasir við gjárhlið og innan við það er hrauntröðin sem heitir Hrútagjá. Þar héldu Hraunamenn hrúta sína á haustin og fram undir aðventu þegar tíðarfar leyfði. Nýlegar athugasemdir
- Sesselja Guðmundsdóttir um Athugasemdir Hraunavina vegna aðalskipulags Garðabæjar
- Sesselja Guðmundsdóttir um Fundargerð aðalfundar Hraunavina 31. október 2015
- Sesselja Guðmundsdóttir um Aðalfundur Hraunavina 2015
- Ólafur Th Ólafsson um Fjárrétt í Urriðakotshrauni var fyrirmynd Kjarvals
- Kristinn Guðmundsson um Níumenningarnir fyrir Hæstarétti
Færslusafn
- nóvember 2023
- október 2022
- október 2021
- október 2020
- október 2019
- október 2018
- maí 2018
- apríl 2018
- desember 2017
- nóvember 2017
- október 2017
- janúar 2017
- október 2016
- febrúar 2016
- október 2015
- maí 2015
- nóvember 2014
- júní 2014
- apríl 2014
- janúar 2014
- desember 2013
- nóvember 2013
- október 2013
- september 2013
- ágúst 2013
- júní 2013
- maí 2013
- apríl 2013
- mars 2013
- febrúar 2013
- janúar 2013
- desember 2012
- nóvember 2012
- október 2012
- september 2012
- júní 2012
- maí 2012
- apríl 2012
- mars 2012
- febrúar 2012
- janúar 2012
- desember 2011
- nóvember 2011
- október 2011
- september 2011
- ágúst 2011
- júní 2011
- apríl 2011
- desember 2010
- nóvember 2010
- október 2010
- júní 2010
- maí 2010
- mars 2010
- desember 2009
- október 2009
- ágúst 2009
- júlí 2009
- júní 2009
Gerast hraunavinur
