Það er ekki hægt að segja annað en málþingið um Búrfellshraun sem Hraunavinir stóðu fyrir ásamt Náttúrufræðistofnun Íslands og Hafnarfjarðarbæ og Garðabæ, hafi tekist mjög vel.
Það var haldið í húsakynnum Náttúrufræðistofnunnar og gestir nálægt eitt hundrað. read more
Þessi frétt er fengin af vef Innanríkisráðuneytisins:
Ögmundur Jónasson innanríkisráðherra hefur ritað vegamálastjóra og bæjarstjóra Garðabæjar og farið þess á leit við þá að þeir fari sameiginlega að nýju yfir forsendur fyrir lagningu nýs kafla Álftanesvegar. Fer hann fram á að verksamningur verði ekki undirritaður meðan á þeirri athugun stendur.
Alþingi samþykkti lagningu nýs Álftanesvegar með samgönguáætlun og var ráðgert að framkvæmdir stæðu yfir árin 2012 til 2014. Nýtt vegarstæði hefur samkvæmt lögum verið ákveðið í samræmi við aðalskipulag sveitarfélagsins Garðabæjar. Verkið var boðið út í samræmi við það en af ýmsum ástæðum hefur dregist að hefja framkvæmdir. read more
Lög Hraunavina
1. grein
Félagið heitir Hraunavinir. Heimili þess og varnarþing er í Garðabæ.
2. grein
Markmið félagsins er að kynna verndargildi náttúrufyrirbæra og landslagsheilda, ekki síst í Álftaneshreppi hinum forna, og fylgjast náið með skipulagsmálum og framkvæmdum með það sjónarmið í huga að vernda eins og unnt er fágæt umhverfisverðmæti. Félagið getur einnig látið til sín taka þegar kemur að verndun annarra verðmætra náttúrufyrirbæra á Íslandi.
3. grein
Rétt til að gerast félagar hafa allir þeir sem láta sér annt um náttúru Íslands, umhverfisþróun og byggðamál. Inntaka nýrra félaga skal fara fram á aðalfundi. Stjórn er þó heimilt að samþykkja inntöku nýrra félaga sem njóti fullra réttinda frá þeim tíma. Staðfesta skal samþykki stjórnar á næsta aðalfundi.
4. grein
Félagsmenn greiða árgjald til félagsins. Upphæð árgjalds skal ákveðin á aðalfundi ár hvert. Félagið aflar sér einnig tekna með styrkjum og frjálsum framlögum.
5. grein
Stjórn félagsins skipa fimm menn og tveir til vara sem hafa þeir rétt til setu á stjórnarfundum. Stjórnin er kjörin á aðalfundi. Hún er kosin til eins árs og skiptir með sér verkum. Skoðunarmaður reikninga skal einnig kjörinn á aðalfundi. Til að skuldbinda félagið þarf samþykki þriggja stjórnarmanna.
6. grein
Formaður boðar til stjórnarfunda og stýrir þeim. Stjórnarfundur er lögmætur ef hann er skipaður þremur stjórnarmönnum hið minnsta. Varamenn koma í stað stjórnarmanna sem ekki geta mætt á stjórnarfundi.
7. grein
Gjaldkeri annast fjármál félagsins, s.s. innheimtu félagsgjalda og greiðslu reikninga. Hann heldur bókhald um fjárreiður félagsins og skal ganga frá reikningum þess fyrir hvern aðalfund.
8. grein
Ritari ber ábyrgð á gögnum félagsins og varðveislu þeirra. Hann skal sjá til þess að ritaðar séu fundargerðir á fundum stjórnar, félagsfundum og aðalfundum og þeim haldið saman. Ritari hefur umsjón með félagaskrá. Ritari er staðgengill formanns.
Stjórninni er heimilt að fela trúnaðarmanni sínum umsjón heimasíðu félagsins.
9. grein
Aðalfundur hefur æðsta vald í málum félagsins og skal hann haldinn í október ár hvert. Á aðalfundi eiga allir félagsmenn atkvæðisrétt. Einfaldur meirihluti atkvæða ræður úrslitum á aðalfundi um afgreiðslu mála sé ekki kveðið á um annað í lögum þessum. Stjórn félagsins boðar til aðalfundar með minnst viku fyrirvara. Með aðalfundarboði skal fylgja dagskrá aðalfundar, lagabreytingatillögur og aðrar tillögur sem fyrir liggur að komi til afgreiðslu á fundinum. Aðalfundur er löglegur ef löglega er til hans boðað.
Á aðalfundi skulu eftirfarandi mál ætíð vera á dagskrá:
– Kjör fundarstjóra og fundarritara
– Fundargerð síðasta aðalfundar. Umræður og afgreiðsla
– Skýrsla stjórnar og umræður
– Reikningar síðasta reikningsárs, umræður og afgreiðsla
– Breytingar á lögum félagsins hafi lagabreytingatillögur borist
– Kjör stjórnar og skoðunarmanns reikninga
– Önnur mál
10. grein
Stjórn félagsins boðar almenna fundi í félaginu þegar henni þykir efni til. Skylt er að kalla félagsmenn saman ef að minnsta kosti tíu þeirra krefjast fundar með skriflegum hætti.
11. grein
Breytingar á lögum félagsins verða einungis gerðar á aðalfundi enda hafi tillögur verið kynntar með fundarboði. Tillögur að breytingum á lögum félagsins skulu berast stjórn þess eigi síðar en tveim vikur fyrir aðalfund. Til að breyta lögum þarf einfaldan meirihluta greiddra atkvæða.
13. grein
Lög þessi öðlast gildi 1. nóvember 2014.
Samþykkt á aðalfundi Hraunavina 1. nóvember 2014
Á fundi Hraunavina 15. apríl var ákveðið að Reynir Ingibjartsson, formaður Hraunavina bjóði upp á leiðsögn um ,,fórnarland“ Álftanesvegar og verði göngurnar á eftirtöldum dögum: read more 
Óbrinnishólar eru vestan við miðbik Undirhlíða og liggur Bláfjallavegurinn sem tengir Hafnarfjörð við skíðasvæðið í Bláfjöllum á milli hólanna. Óbrinnishólar voru fjórir fallega mótaðir gíghólar sem heilluðu marga. Ferðafélag Íslands og Útivist voru með reglulegar ferðir á sumrin um tíma þar sem gengið var frá Kaldárseli að Óbrinnishólum og voru þessar ferðir ofstast fljölmennar. read more
Sóðaskapur og ruslaragangur í umgengni við hraunin í nágrenni Hafnarfjarðar virðist eiga sér býsna langa sögu og ekki sér fyrir endann á þessari ónáttúru sem virðist hrjá suma landsmenn að nota hraunin sem ruslakistu. Fyrir sjötíu árum, nánar tiltekið haustið 1943 kom upp mál þar sem starfsmenn Sambands íslenskra samvinnufélaga voru sakaðir um að fyrirkoma kjötvörum í hraununum í nágrenni Hafnarfjarðar. read more
Hér birtist frásögn eftir Guðrúnu Sveinsdóttur sem prentuð var í blaðinu Melkorku 10. árgangi, 2. tölublaði árið 1954:
Á Álftanesi við Arnarnesvog er Gálgahraun. Fram við sjóinn, beint á móti Bessastöðum gnæfa Gálgaklettar. Við klettaræturnar þekur grasið gömul tóftarbrot. Í klettaskorum vex ljónslöpp, tófugras, burkni, þursaskegg o.fl. Efst uppi situr svartbakur, einn síns liðs, en annars er hér urmull fugla. Í sandbleytunni og smá tjörnunum, sem útfirið hefur skilið eftir, á milli grasigróinna sandbala, vaða stelkar og sendlingar, en í þangbendunni, sem öldurnar hafa skolað langt upp á land, gösla úfnar og óhreinar rolluskjátur með lömbin sín. Smáfuglar þjóta milli klettanna, sem endur fyrir löngu báru uppi líkama ógæfusamra vesalinga, sem mannanna réttlæti dæmdi til lífláts á þessum stað. read more
Stutt samantekt um Konráð Bjarnason tónlistar- og fræðimann sem unni Gálgahrauni og orti fallegt ljóð um hraunið.
Konráð Bjarnason frá Þorkelsgerði í Selvogi hafði sérstakt dálæti á Gálgahrauni en hann bjó síðustu ár ævi sinnar í Garðabæ og Hafnarfirði. Konráð ólst upp á mannmörgu heimili við sjávarsíðuna í Selvogi en hann átti 16 systkini, tvö dóu í æsku en hin komust til manns. Faðir Konráðs var Bjarni Jónsson sjálfseignarbóndi og útvegsmaður og móðir hans var Þórunn Friðriksdóttir sem var lærð ljósmóðir. read more
Gerast hraunavinur